Mads Pedersen fitoi etapën e 5 të “Giro d’Italia 2025” i ndjekur nga Zambanini dhe Pidcock në vendin e 3. Për fituesin e garës u kërkua fotofinishi. Nesër “Giro” mbërrin në Napoli, gara më e gjatë e këtij edicioni. Mads Pedersen futet në klubin special të çiklistëve që kanë fituar etapa duke patur Bluzën Rozë mbi shpatulla. Për mbërritjen në Matera, gjigandi i “Lidl-Trek” dueloi me Roglic dhe pati ndihmën e gregarit Vacek që e udhëhoqi deri në fotofinishin me Zambanini-n (Bahrain Victorious) dhe Pidcock (Q36.5).
Demonstrim force dhe pregatitjeje fizike nga Pedersen që pas Tiranës dhe Vlorës fiton etapën e 3 dhe vesh për të 4 herë Bluzën Rozë. Etapa e 6 është ajo nga Caracciolo në Napoli ku Pedersen fitoi në vitin 2023 dhe nesër do kërkojë poker-in. Në klasifikimin e përgjithshëm ndiqet me 17” më shumë nga Roglic dhe 24” nga Vacek, i katërti McNulty +31”. Një përfundim entuziast me presingun e “Uae Emirates” që provoi të shtonte peshën në këmbët e Pedersen.
Rradha e mbërritjes
1 – Mads Pedersen (Lidl-Trek) – 151 km në 3h27’31”, shpejtwsia mesatare 43.659 km/h
2 – Edoardo Zambanini (Bahrain Victorious)
3 – Thomas Pidcock (Q36.5 Pro Cycling Team)
Klasifikimi i përgjithshëm
1 – Mads Pedersen (Lidl-Trek)
2 – Primož Roglič (Red Bull – Bora – Hansgrohe) + 17″
3 – Mathias Vacek (Lidl-Trek) + 24″
- Bluza Rozë – Mads Pedersen (Lidl-Trek)
- Bluza Çiklamin – Mads Pedersen (Lidl-Trek)
- Bluza e Kaltër – Lorenzo Fortunato (XDS Astana Team)
- Bluza e Bardhë – Mathias Vacek (Lidl-Trek)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
