.png)
Nga Gazeta ‘SI’- Shoqata e Bimëve Mjekësore në Shqipëri kërkojnë suport nga qeveria për të përballuar goditjen e marrë nga Amerika, tregu më i madh i tyre.
Në një deklaratë për mediat, Filip Gjoka, drejtues i kësaj shoqate propozon rimbursimin me 10% të TVSH-së për fermerët që punojnë me bimët medicinale, pasi ata janë hallka më e dëmtuar e këtij zinxhiri.
“Tarifa me SHBA do ul eksportet, të rimbursohet 10% TVSH për fermerët prej 10%, që rrjedhimisht krijon një tjetër vështirësi për industrinë tonë. Nisur nga kjo situatë IBMA i bën thirrje qeverisë Shqiptare që të ngrejë një grup pune me përfaqësues nga Ministria e Bujqësisë dhe Ministria e Financave për të hartuar një plan emergjent masash për stabilizimin e sektorit për të zbutur efektin negative. Konkretisht vendosja e tarifës 10 % për Eksportet Shqiptare përkthehet në rritje të kostos së eksportit.
Rritje të çmimit të produkteve Shqiptare në tregun Amerikan duke i bërë ato më pak konkurruese. Kjo mund të çojë në ulje të kërkesës për produktet Shqiptare dhe reduktim i vëllimit të eksporteve duke goditur direkt mijëra fermerë dhe biznese të vogla në zonat rurale duke ulur fitimet e tyre” u shpreh Gjoka, duke theksuar se industria dëshiro të ruajë e të përforcojë marrëdheniet pozitve ekonomike me SHBA-në.
“Kemi ndjekur me shqetësim zhvillimet e fundit përsa i përket paketës së re të politikave ekonomike të shpallura nga Shtetet e Bashkuara të Amerikës ku nuk përjashtohet edhe Shqipëria. Padyshim që ky nuk është një lajm i mirë për ne në kohën kur kjo industri zë mbi 14% të gjithë eksporteve që kryhen ne BE dhe Amerike. Nga zero që është aktualisht, çdo ngarkesë drejt ShBA do të ketë një tarifë doganore prej 10% që rrjedhimisht krijon një tjetër vështirësi për industrinë tonë Nisur nga kjo Shoqata e Bimëve Mjekësore:
Ndër të tjera, Gjoka tha se shumë kompani vendase që kanë investuar në teknologji dhe standarde cilësie për tregun Amerikan tani përballen me pasiguri financiare, duke ngadalësuar zhvillimin e sektorit.
Propozimet e Shoqatës
PAKETË MBËSHTETËSE PËR FERMERËT:
1. Rimbursim i menjëhershëm i 10% TVSH për të gjithë fermerët në sektor.
2. Kompensim i zhvlerësimit të euro/dollarit përmes një kursi të stabilizuar fiks, siç bëjnë Serbia dhe Maqedonia.
3. Zbritje tatimore për kompanitë eksportuese që përdorin standarde cilësore të larta.
4. Heqje e tatimit mbi pagat deri në 80,000 lekë për punonjësit sezonalë.
5. Qeveria të paguajë kontributet e sigurimeve shoqërore për 5 muaj gjatë sezonit të grumbullimit.
PROBLEMIKAT E AKUMULUARA TË SEKTORIT:
– Mungesa e fuqisë punëtore dhe largimi i banorëve nga zonat rurale drejt zonave urbane si dhe emigracioni.
– Kostot e larta në prodhim, ruajtje në magazina, transport si dhe rendimenti i ulët -Pamjaftueshmëria e subvencioneve për të gjithë fermerët.
– Mungesa e investimeve në kompanitë që duan të rrisin cilësinë dhe standardet si dhe ndërprerja e Fondeve të BE-së .
– Tarifa 10% e vendosur nga Presidenti Trump krijoi një tjetër vështirësi për këtë industri.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
