.png)
Nga Gazeta ‘Si’- Donald Trump do të takohet me zyrtarë të lartë, duke përfshirë Sekretarin e Shtetit Marco Rubio dhe Sekretarin e Mbrojtjes Pete Hegseth, për të vlerësuar dhe marrë potencialisht masa për Ukrainën.
Masat përfshijnë pezullimin ose anulimin e ndihmës ushtarake amerikane për Ukrainën, duke përfshirë dërgesat e fundit të municioneve dhe pajisjeve të autorizuara dhe të paguara gjatë administratës së Joe Biden.
Këtë e ka shkruar NYT, duke cituar zyrtarë anonimë të administratës amerikane.
Zhvillimet e fundit vijojnë pas debatit të ashpër që presidenti amerikan pati me liderin ukrainas në Shtëpinë e Bardhë, ku Trump e kritikoi këtë të fundit se nuk ka qenë mirënjohës për mbështetjen e pakufijshme të SHBA në luftë.
Ndërkohë, Zelensky thotë se është i gatshëm të nënshkruajë marrëveshjen e mineraleve me SHBA-në.
Në një video të transmetuar nga BBC, ai tha se “nuk ishte e drejtë” të mbaheshin bisedime të tilla plotësisht të hapura dhe as “armiqtë nuk mund të përfitojnë” nga ndonjë mosmarrëveshje midis aleatëve.
Megjithatë ai tha se nuk donte të fliste për grindjet, por përkundrazi ishte i fokusuar në kalimin në bisedime “konstruktive” për të ardhmen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
