Nga Gazeta ‘Si’- Papa Françesku është shtruar mëngjesin e sotëm në spitalin Policlinico Agostino Gemelli.
Sipas mediave italiane ai është shtruar pak pas orës 11:30, për shkak të bronkitit dhe problemeve me frymëmarrjen.
“Këtë mëngjes, në fund të audiencës, Papa Françesku është pranuar në Policlinico Agostino Gemelli për disa analiza të nevojshme diagnostike dhe për të vazhduar trajtimin për bronkitin që po zhvillohet aktualisht në një mjedis spitalor”, njofton Zyra e Shtypit e Vatikanit.
Vendimi për shtrimin në spital erdhi pas një mëngjesi pune dhe seancash në Casa Santa Marta. Analizat e para duhet të kryhen brenda orëve të para të shtrimit në spital. Papa duhet të shtrohet në katin e dhjetë siç ka ndodhur në rastet e mëparshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
