Gazeta Si – Një makinë ka përplasur një grup personash në qytetin e Mynihut të Gjermanisë, duke shkaktuar të paktën 1 viktimë dhe 28 të plagosur, mes tyre dhe fëmijë.
Policia arrestoi menjëherë një 24-vjeçar afgan që drejtonte automjetin, një “Mini Cooper” dhe presidenti i Bavarisë, Markus Soeder, tha se “me sa duket ishte një sulm”.
Sipas asaj që raporton gazeta gjermane “Bild”, makina ka goditur disa pjesëmarrës në një proteste të organizuar nga sindikata e Të Gjelbërve, pak ditë para votimit.
Një grua, identiteti i së cilës ende nuk dihet, ka humbur jetën. Mes të përfshirëve në përplasjen me makinë ka pasur edhe fëmijë.
Aktualisht është duke u zhvilluar një operacion i madh policor, disa autoambulanca janë të pranishme në vendngjarje dhe është ngritur një pikë grumbullimi dëshmitarësh për të rindërtuar dinamikën e aksidentit.
Policia e Mynihut ka publikuar një postim në rrjetet sociale dhe sipas “Bild”, makina e përdorur ishte një “Mini Cooper”.
Pas pak ditësh, në qytet, është caktuar Konferenca e Sigurisë, për të cilën pritet edhe nënkryetari i Shteteve të Bashkuara, J.D. Vance dhe presidenti ukrainas, Volodymyr Zelensky.
Mediat raportojnë se pas aksidentit njerëzit ishin “në lot dhe duke u dridhur”. Sulmi ka ndodhur në zonën Dachauer Strasse, sipas asaj që ka bërë të ditur policia bavareze që po heton dinamikën.
Presidenti i Bavarisë dhe kreu i CSU Markus Soeder hipotezon se ishte një sulm, duke thënë: “Diçka duhet të ndryshojë në Gjermani. Nuk mund të kalojmë nga sulmi në sulm”.
Sipas Ministrit të Brendshëm, Joachim Herrmann, autori i dyshuar është i njohur për policinë. Sipas informacioneve të deritanishme, refugjati është kapur me drogë dhe vjedhje në të kaluarën.
Policia ka njoftuar se drejtuesi i mjetit është arrestuar dhe nuk ka më rrezik për qytetarët. Gjatë momentit të ndalimit të 24-vjeçarit pati edhe të shtëna me armë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
