Gazeta Si – Në Anderlecht, një lagje e kryeqytetit belg, Bruksel, po kryhen kërkimet për dy burra të armatosur që qëlluan në tokë dhe në ajër pranë një stacioni metro rreth orës 6:15 të mëngjesit.
Prokuroria tha se nuk ka të lënduar, por nuk dha asnjë informacion për motivin e mundshëm të të shtënave. Sipas gazetave belge, faktet mund të lidhen me trafikun e drogës.
Pamjet nga kamerat e vëzhgimit tregojnë dy persona të armatosur me pushkë duke u larguar nga stacioni i metrosë “Clemenceau” në sheshin përballë dhe njëri prej tyre qëllon disa të shtëna.
#BREAKING 🇧🇪Belgian police are searching for armed suspects after a shooting at a Brussels metro station. CCTV footage shows two men in balaclavas carrying what appear to be Kalashnikov rifles at Clemenceau station early Wednesday.
— 凤凰欧洲 PhoenixCNE News (@PhoenixCNE_News) February 5, 2025
Federal police, railway police, and other units… pic.twitter.com/I6LcncbiWj
Pas disa sekondash, të dy shihen duke vrapuar përsëri në stacion. Si stacioni “Clemenceau”, ashtu edhe stacioni aty pranë “Gare de Midi”, u mbyllën dhe linjat e metrosë dhe tramvajit që kalonin nëpër zonë u ndërprenë pjesërisht.
Sipas policisë, autorët mund të jenë fshehur në tunelet e metrosë.
Sipas mediave lokale, mund të jetë një përpjekje për të larë hesapet apo përplasje në botën e trafikut të drogës, megjithëse ende nuk ka një konfirmim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
