Gazeta Si – Të martën, ish-Sekretari i Përgjithshëm i NATO-s, Jens Stoltenberg, bëri të ditur se kishte pranuar rolin e ministrit të Financave në qeverinë norvegjeze, ku po zhvillohet një riorganizim pas daljes së njërës prej dy partive përbërëse nga koalicioni qeverisës.
“Jam shumë i nderuar që jam thirrur për t’i shërbyer vendit tim në një kohë kaq kritike”, – tha Stoltenberg, i cili për këtë arsye do të largohet përkohësisht nga roli i tij aktual si president i Konferencës së Sigurisë së Mynihut, një ngjarje e madhe vjetore e sigurisë, e organizuar nga individë privatë në qytetin gjerman.
Stoltenberg iu kërkua të pranonte këtë rol nga kryeministri norvegjez Jonas Gahr Støre, i Partisë Laburiste, i cili e gjeti veten duke qeverisur i vetëm dhe duke zëvendësuar disa ministra, duke përfshirë atë të Financave, pasi Partia e Qendrës (Senterpartiet), euroskeptike, ishte larguar nga qeveria e koalicionir.
Stoltenberg ishte Sekretar i Përgjithshëm i NATO-s për 10 vjet, midis 2014 dhe tetorit 2024, kur i la vendin ish-kryeministrit të Holandës, Mark Rutte, aktualisht në detyrë.
Para kësaj detyre, ai kishte qenë kryeministër i Norvegjisë për dy mandate, midis 2000 dhe 2001 dhe më pas përsëri midis 2005 dhe 2013, dhe Ministër i Financave në vitet 1990.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
