.png)
Nga Gazeta ‘Si’- Irani ngriti në fluturim për herë të parë, dronin e tij më të madh, të quajtur Gaza, në nder të enklavës palestineze, që është shkatërruar nga lufta dhe bombat e Izraelit gjatë 15 muajve të fundit.
Më herët, dronët mbanin emrin Shahed 149, por tani do të njihen, edhe në versionin e ri, si dronët Gaza. Një dron i tillë, mban 12 bomba dhe sipas Gardës Revolucionare, do të përdoret për operacionet në kufi.
Droni luftarak i pagëzuar “Gaza” u publikua më 21 maja të vitit 2021 nga Garda Revolucionare e Iranit. Mjeti fluturues pa pilot mund të udhëtojë në autonomi të plotë për 35 orë.
Komandanti i Gardës, Gjeneral Major Hossein Salami, tha në një deklaratë në atë kohë se droni ishte emëruar “Gaza” për nder të personave “që jetojnë në atë tokë dhe i bëjnë ballë sulmit dhe agresionit të Sionistëve”.
I bllokuar nga shumë furnizues ndërkombëtarë, Irani është shndërruar në një prodhues të madh dronësh, duke përdorur shpesh teknologji të marrë nga dronët amerikanë që ka arritur të kapë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
