Nga Gazeta ‘Si’– Shërbimi i burgjeve izraelite tha se 90 të burgosur palestinezë janë liruar këtë të hënë(20 janar) në Bregun Perëndimor.
Sipas burimeve nga mediat e huaja, të burgosurit po lirohen si pjesë e fazës së parë të marrëveshjes së shumëpritur të armëpushimit midis Izraelit dhe Hamasit.
Kjo lëvizje vjen pasi tre pengje izraelite u liruan nga Hamasi në Kryqin e Kuq në qytetin e Gazës më herët, të dielën.
Palestinezët e liruar nga burgjet izraelite përfshijnë 69 gra dhe 21 djem adoleshentë nga Bregu Perëndimor dhe Jerusalemi, sipas Hamasit.
Sipas agjencisë së lajmeve Reuters, shumica e personave të liruar sot janë ndaluar së fundmi dhe nuk janë gjykuar apo dënuar.
Gjatë fazës së parë të armëpushimit, Izraeli pritet të lirojë rreth 1900 të burgosur dhe të paraburgosur palestinezë, ndërsa Hamasi pritet të lirojë rreth 33 pengje izraelitë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.