.png)
Gazeta Si – Autoritetet japoneze kanë lëshuar një paralajmërim për cunami pasi një tërmet me magnitudë 6.8 u regjistrua 32 kilometra në thellësi të brigjeve të Miyazaki në orën 13:19 (me orën shqiptare, 8 orë më parë në Japoni). Të prekura janë brigjet juglindore dhe ishujt jugorë Ryukyu me Okinawa.
Sipas autoriteteve priten dallgë anormale që mund të arrijnë deri në 1 metër lartësi. Në disa gjire tashmë janë vërejtur valë më të vogla se 20 centimetra. Për momentin nuk raportohet për dëme materiale apo njerëz.
Agjencia Meteorologjike Japoneze, “Jma” bën të ditur se, përveç termocentralit bërthamor në Prefekturën Miyazaki, nuk u shfaq asnjë anomali në termocentralin Sendai në Prefekturën e Kagoshimës.
Pothuajse saktësisht një vit më parë, më 1 janar 2024, një tjetër tërmet i fortë me magnitudë 7.5 ballë në Gadishullin Noto, i cili gjithashtu shkaktoi një cunami 5 metra, goditi bregun perëndimor të Japonisë përballë Koresë.
Lëkundjet shkaktuan afërsisht 500 vdekje (nga të cilat 228 të lidhura drejtpërdrejt me lëkundjet) dhe 1,300 të lënduar.
Lëkundjet lanë 33 mijë të pastrehë. Porti i Wajima-s u bë i pakalueshëm: ndërsa deti dhe vija bregdetare u larguan 200-300 metra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
