Gjysmëfinalet e Eurovizion përfunduan dhe në finalen e madhe të së shtunës janë përcaktuar tashmë 26 finalistët.
Fituesi, për shumicën e ndjekësve mbetet një mister që do të zbulohet vetëm në natën finale, por për kompanitë e basteve është një garë mes dy këngëve.
Bastet kuotojnë shqiptaren Eleni Foureira, që përfaqëson Qipron në këtë edicion me këngën e saj “Fuego”, si favoriten kryesore dhe fill pas saj renditet Toy e këngëtares izraelite, Netta.
Para gjysmëfinaleve, “Fuego” e Elenit dhe “Toy” e Netta-s kuotoheshin favorite në shifra thuajse të barabarta. Por, performanca “live” e këngëtares izraelite ishte poshtë pritshmërive të publikut dhe ekspertëve, çka detyroi kompanitë e basteve që të rishikojnë koefiçientët dhe të favorizojnë më fort për çmimin e madh këngën e Qipros.
Eugent Bushpepa dhe kënga e tij “Mall” kuotohet e parafundit nga kompanitë e basteve, duke lënë pas vetëm këngën konkurruese të Serbisë.
Pas Izraelit, bastet kuotojnë Francën dhe Gjermaninë, ndërsa e pesta sa i takon renditjes së favoritëve, sipas BetFair është Ermal Meta, që përfaqëson Italinë me këngën “Non mi avete fatto niente”, në bashkëpunim me Fabrizio Moron.
Kuotimet sipas BetFair
| 11/10 – Cyprus 3/1 – Israel 12/1 – France 14/1 – Germany 16/1 – Sweden 20/1 – Italy 20/1 – Ireland 22/1 – Lithuania 25/1 – Norway |
30/1 – Australia 33/1 – Estonia 40/1 – Czech Republic 50/1 – Bulgaria 50/1 – Finland 50/1 – Moldova 50/1 – Hungary 60/1 – Denmark 66/1 – Austria |
80/1 – Spain 100/1 – Ukraine 100/1 – Netherlands 200/1 – United Kingdom 200/1 – Slovenia 200/1 – Portugal 250/1 – Albania 300/1 – Serbia |
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
