Gazeta Si – Mike Tyson do të rikthehet në ring këtë të premte pas gati 20 vitesh, nga ana tjetër YouTuber-i Jake Paul. Për të qenë gati, ish-kampioni i peshave të rënda nuk i la asgjë rastësisë
Rikthimi i Mike Tyson në ring – pas gati 20 vitesh – po afrohet gjithnjë e më shumë, me ish-kampionin e botës në peshat e rënda (tani 58 vjeç), i cili po përgatitet të përballet me YouTuber-in, Jake Paul të premten e 15 nëntorit (pritje e madhe, 80 mijë bileta të shitura).
Të gjithë sytë do të jenë në stadiumin “AT&T” në Arlington, Teksas, ku Tyson nuk ka ndërmend të bëjë figurë të keqe.
Për këtë arsye, ai kaloi pjesën më të madhe të vitit duke u stërvitur, duke kaluar gjashtë orë në ditë në palestër: “Filloj në orën 11 të mëngjesit dhe largohem nga palestra në orën 17:00, – tha ai për rrjetin amerikan ‘Fox News’.- Pasi mbaroj, bëj një masazh një orësh dhe më pas kaloj menjëherë në fazën e forcimit”.
Megjithatë, nuk ka vetëm palestër dhe djersitje për ish-kampionin e peshave të rënda në botë. Një faktor tjetër befasues që luajti një rol të madh në përgatitjen e tij për takimin e pamundur, është “droga”.
Tyson, në fakt, ka rrëfyer për “Impaulsive”, se kërpudhat halucinogjene kanë pasur një rol të rëndësishëm në seancat e tij stërvitore: “Duhet t’i marr me vete kur stërvitem, me to ndihem i bukur, – janë fjalët e tij, – më çojnë në parajsë”.
Ish-kampioni i foli edhe për marijuanën, gjë që nuk është e dukshme për ata që kanë linjën e tyre të produkteve me bazë kanabisi: “Për momentin, unë po e jetoj jetën time në mënyrë të disiplinuar. Unë nuk nuk kam bërë seks për gjashtë javë, – janë fjalët e tij në prill 2024. – E urrej që nuk mund të pi duhan dhe nuk mund të fle me gruan time, por po ia dal”.
Në vitin 2010, pasi doli në pension, boksieri legjendar zbuloi se kishte adoptuar një dietë me bazë bimore pas vitesh me biftek, alkool dhe drogë.
Në muajt e fundit, megjithatë, ka pasur një hap prapa dhe një kthim te mishi: “Unë ndalova së ngrëni ushqim vegan për shkak të stërvitjes, për shkak të mënyrës sesi doja të dukej trupi im dhe për shkak të forcës që doja të kisha”. Por tani ka ardhur momenti. E premtja mund të shkruajë një faqe tjetër të historisë për amerikanin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
