.png)
Nga Gazeta 'SI' - Qeveria ka krijuar një ent të ri që do të ketë në fokus operimin rrugor.
Enti Kombëtar i Operimit Rrugor, ose EKORR, do të jetë 100% shtetërore dhe do të menaxhojë specifikisht akset ku kalimi do të jetë me pagesë. Për rrugët që nuk janë objekt koncesioni, Enti do të lidhë një kontratë e ARRSH-në.
Konkretisht, EKORR do të merret me operimin e rrugëve me pagesë, mirëmbajtjen e infrastrukturës së operimit, sistemin elektronik, arkëtimin e tarifës në rrugët me pagesë, monitorimin dhe koordinimin e shërbimit të operimit në rrugët me pagesë, operimi nga shoqëritë koncesionare, për mbledhjen e tarifave dhe serverave të nevojshëm për mbajtjen dhe përpunimin e të dhënave e të arkëtimeve përkatëse.
Efektet financiare për zbatimin e këtij vendimi për krijimin e kapitalit fillestar të shoqërisë, në vlerën 50 milionë lekëve, përballohen nga buxheti i Ministrisë së Infrastrukturës dhe Energjisë, për vitin 2024, në programin “Transporti rrugor”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
