.png)
Gazeta Si- Më shumë se 62 persona kanë vdekur në rajonin e Valencias për shkak të shirave të rrëmbyeshëm që kanë goditur Spanjën në 48 orët e fundit.
Lajmi konfirmohet nga një vlerësim fillestar i komitetit të krizës të ngritur në ndërtesën e qeverisë Moncloa, ku sips ekspertëve, në 8 orë ka rënë shi sa për një vit.
Megjithatë, numri i viktimave mund të rritet pasi shumë njerëz janë të zhdukur për shkak të përmbytjeve që kanë izoluar disa vende.
Sipas shërbimit kombëtar meteorologjik të Spanjës, reshjet pritet të vazhdojnë deri të enjten.
Scary fast-flowing flash floods through streets of Albacete, Spain today, these aren't rare incidents anymore, this is one of several Spanish communities quite far apart seeing streets turn into raging rivers yesterday, today & likely tomorrow too #flood pic.twitter.com/BXZuPwaoDB
— Nick's Weather Eye (@NickJF75) October 29, 2024
Presidenti i Generalitat Valenciana, Carlos Mazón, foli për "disa vdekje" për shkak të përmbytjeve, por tha se ishte "materialisht e pamundur" të përcaktohej saktësisht numri i viktimave. Të paktën gjashtë persona të tjerë raportohen të zhdukur në qytetin Letur në zonën e Albacete.
Shirat e rrëmbyeshëm që shkaktuan përmbytje, bënë që një përrua të vërshojë në qendrën e qytetit Albacete.
Shirat e rrëmbyeshëm kanë krijuar shkatërrime masive në shumë vende. Qindra incidente janë raportuar në Komunitetin e Valencias, Castile La Mancha, rajonin Murcia dhe Andaluzi.
Sipas të dhënave nga agjencia shtetërore meteorologjike, në disa zona, reshjet e dendura të shiut kanë derdhur më shumë se 200 litra ujë për metër katror në pak orë.
Spanish firefighters rescue drivers from floodwaters after Spain's meteorological agency put the Valencia region under the highest red alert for extreme rainfalls.https://t.co/1JXcRjwzcp pic.twitter.com/jw8AjSZkz9
— Sky News (@SkyNews) October 29, 2024
Shërbimet emergjente në rajon u bënë thirrje qytetarëve ta shmangin udhëtimin rrugëve dhe u kërkuan t’i përcjellin përditësimet shtesë nga burimet zyrtare.
Transporti me tren në qytetet Madrid dhe Barcelonë është anuluar për shkak të vërshimeve, ndërsa shkollat dhe shërbimet e tjera thelbësore janë pezulluar në zonat më të goditura.
Shkencëtarët thonë se fatkeqësitë natyrore në rajon po shpeshtohen për shkak të ndryshimeve klimatike.
Meteorologët mendojnë se ngrohja e Mesdheut, e cila e rrit avullimin e ujit, bën që shirat e rrëmbyeshëm të jenë shumë më të fuqishëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
