.png)
Nga Gazeta Si- Ministria e Arsimit dhe Sportit njoftoi sot rihapjen e aplikimeve për formularin A1Z për maturantët e Maturës Shtetërore 2024 që ende nuk janë regjistruar në universitet.
Sipas MAS, aplikimet janë të hapura deri në 16:00 dhe do të kryhen përmes platformës e-Albania dhe më pas duhet të konfirmohen në universitetin përkatës.
Formularin A1Z e plotësojnë të gjithë kandidatët që duan të aplikojnë për t’u regjistruar në universitet.
Sipas statistikave, universitetet e rretheve kanë më shumë kuota të lira, kryesisht në mësuesi, në degët Gjuhë Shqipe dhe Letërsi, Biologji-Kimi dhe Matematikë.
Edhe në universitetin e Tiranës ka kuota të lira në degët Gjeografi, Kimi industriale dhe degë të tjera që studentët i lidhin më së shumti me mësuesinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
