.png)
Nga Gazeta ‘Si’- Joe Biden dhe Barack Obama kanë nxitur spekulimet në shumë mediat amerikane dhe jo vetëm se mund të kenë parashikuar shanset e Kamala Harris për të fituar zgjedhjet e 2024.
Dy demokratët u filmuan duke debatuar me pasion në funeralin publik të Ethel Kennedy të mërkurën ku Biden tha mes të tjerash, “Ajo nuk është aq e fortë sa unë”, përpara se Obama të përgjigjej “Kjo është e vërtetë”.
Debati në video ndonëse me zë të ulët u deshifrua nga lexuesi profesionist i buzëve Jeremy Freeman, i cili shtoi se dy burrat më së shumti mbështesnin bisedën e njëri-tjetrit.
Por komentet e deshifruara vetëm sa do të shtojnë intrigën se për kë po diskutonin saktësisht dy demokratët dhe nëse ishte ajo Kamala Harris.
Sipas ekspertit Freeman, në fillim të bisedës, Biden i tha Obamës: ‘Ajo nuk është aq e fortë sa unë’.
Obama u përgjigj: ‘Unë e di…kjo është e vërtetë…ne kemi kohë…’
Ish-presidenti shtoi: “Unë mendoj se është e rëndësishme që ne të mund të kemi pak kohë së bashku, ne do ta marrim atë me vlerë.”
Biden u duk se mbështeti paraardhësin e tij, duke thënë: “Po, ne do të arrijmë atje në kohë”.
Më pas Obama u largua nga kamera dhe i tha diçka tjetër Bidenit, të cilës presidenti iu përgjigj: ‘Uh h’.
Biseda në funeral u ndërpre më pas nga Bill Clinton, i cili i shikoi ata dhe bëri me shenjë nga pjesa e përparme e katedrales
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
