Nga Gazeta Si- Është ndarë nga jeta në moshën 91-vjeçare, Vangjel Koja, legjenda e volejbollit shqiptar. Karriera e tij nisi si atlet më pas si basketbollist, volejbollist dhe duke përfunduar më pas si trajner i skuadrës së famshme, Dinamo në volejboll për meshkuj, duke qenë jo vetëm fitues titujsh kampion, pasi vendosi diktatin e tij me këtë skuadër, kampione absolute në vitet ’70-’90, por me ata djem arriti të hynte mes 4 më të mirave në Europë.
Ai ishte edhe trajner i ekipit kombëtar dhe një specialist i madh i volejbollit shqiptarë. Humbja e tij la pas shumë dhimbje jo vetëm për familjen, por edhe për sportin shqiptar, pasi humbëm një vlerë të rëndësishme kombëtare.
Homazhet e lamtumirës për legjendën Vangjel Koja, do të mbahen këtë të hënë në Kishën e Shën Sotirit në Korçë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
