.png)
Nga Gazeta 'SI' - Shqiptarët janë më pak të shqetësuarit në rajon për mjedisin, sipas gjetjeve të Barometrit të Ballkanit.
Pjesa më e madhe e shqiptarëve të anketuar, 42% shohin si problem ndotjen e ajrit, por kjo është norma më e ulët ndër vendet e rajonit ku mesatarja është 57%.
Shqetësimi i dytë më i madh i shqiptarëve është menaxhimi i mbetjeve, 37% njësoj sa mesatarja e rajonit.
Zhurma dhe trafiku janë dy probleme të tjera për shqiptarët, respektivisht me 32 dhe 30%. 24% e shqiptarëve shqetësohen për ndotjen e ujit, ndërsa mesatarja e Ballkanit është 43%.
Ndërkohë, 37% e shqiptarëve pranojnë se nuk kanë marrë asnjë nismë personale për të luftuar problemet e klimës, por mund ta bënin në të ardhmen. Kjo është norma më e lartë ndër vendet e Ballkanit.
29% thonë se janë të kujdesshëm në përdorimin e ujit, 26% përdorin transportin publik dhe 23% ecin për në punë ose përdorin biçikletën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
