.png)
Nga Gazeta 'SI' - Hapësira me pyje në vend po bëhet çdo vit e më e vogël si pasojë e fatkeqësive natyrore apo ndërhyrjeve të qëllimshme.
Sipas të dhënave nga INSTAT, në vitin 2023, vëllimi total i pyjeve ra me 1.64% nga viti 2022, duke u ulur në një vëllim të përgjithshëm prej 53 mln m3.
Matur sipas sipërfaqes, në 2023-shin pyjet zinin një sipërfaqe prej 969.855 hektarë dhe është reduktuar me 176.870 ha. Nga viti 2019, sipërfaqja e humbur e pyjeve kalon 800 mijë hektarët.
Asgjësimi i hapësirave pyjore është bërë shqetësim për strukturat e mbrojtjes, sidomos në rastet e zjarrvënies së qëllimshme apo prerjes së pemëve. Zjarret natyrore janë një tjetër faktor që ka ulur sipërfaqen e hapësirës pyjore.
Një raport i Bankës Botërore e listonte Shqipërinë si vendi me gjelbërimin më të ulët në rajon, ku qyteti i Fierit ka nivelin më të ulët të gjelbërimit në rajon, ndjekur nga Saranda, Gjirokastra, Korça dhe Durrësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
