.png)
Gazeta Si - Themeluesi i aplikacionit Telegram, Pavel Durov thuhet se është arrestuar në një aeroport francez.
Ndaj tij është lëshuar një urdhër-arresti nga Departamenti Kombëtar i Hetimit Kriminal të Francës, bazuar në një hetim paraprak.
Sipas Tf1 dhe Lci, Durov u caktua në paraburgim në bazë të një mandati nga drejtësia franceze, e cila beson se mungesa e moderimit, bashkëpunimi me zbatimin e ligjit dhe mjetet e ofruara nga kompania e mesazheve të koduara Telegram (numrat amerikanë, sende të disponueshme, kriptovaluta etj.), e bën atë bashkëpunëtor në trafik droge, krime ndaj të miturve dhe mashtrim. Mandati ishte i vlefshëm vetëm për territorin francez.
Hetuesit e Onaf (zyra kombëtare kundër mashtrimit në varësi të doganave) e informuan atë dhe e vendosën në paraburgim nga policia.
Ai pritet që në orët në vijim të dalë para gjyqtarit hetues para një aktakuze të mundshme sot për një mori krimesh: “Terrorizëm, drogë, bashkëpunim, mashtrim, pastrim parash, marrja e mallit të vjedhur, përmbajtje kriminale për të mitur”, thotë Tf1. burimi i të cilit thotë se "Durov "do të vendoset patjetër në paraburgim të përkohshëm".
Pavel Durov, miliarderi bashkëthemelues dhe shefi ekzekutiv i aplikacionit të mesazheve Telegram, u arrestua në aeroportin Bourget jashtë Parisit të shtunën në mbrëmje. Durov po udhëtonte në avionin e tij privat, ndërsa ishte shënjestruar nga një urdhër arresti në Francë.
39-vjeçari mësohet se po udhëtonte nga Azerbajxhani dhe u arrestua rreth orës 20:00 me orën lokale. Sipërmarrësi me origjinë ruse jeton në Dubai, ku është vendosur Telegram dhe ka shtetësi të dyfishtë të Francës dhe Emirateve të Bashkuara Arabe.
Durov, i cili vlerësohet nga "Forbes" të ketë një pasuri prej 15.5 miliardë dollarësh, u largua nga Rusia në vitin 2014 pasi refuzoi të përmbushte kërkesat për mbylljen e komuniteteve të opozitës në platformën e tij të mediave sociale VK, të cilën ai e shiti.
Mësohet se Ambasada e Rusisë në Francë po ndërmerr “hapa të menjëhershëm” për të sqaruar situatën. Duke cituar një përfaqësues nga ambasada ruse në Francë, agjencia e lajmeve TASS raportoi se nuk kishte pasur asnjë apel nga ekipi i Durovit në ambasadë, por se po ndërmerrte hapa “të menjëhershëm” në mënyrë proaktive.
Durov dhe vëllai i tij Nikolai themeluan aplikacionin e mesazheve në vitin 2013 dhe ka rreth 900 milionë përdorues aktivë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
