Në Gjykatën Administrative të Tiranës, u zhvillua seanca gjyqësore, pas kallëzimit të Fredi Belerit ndaj Presidentit Bajram Begaj, për dekretin e 4 gushtit të zgjedhjeve në Bashkinë e Himarës.
Beleri ka kërkuar shpalljen të pavlefshëm të këtij dekreti, pasi sipas tij, janë shkelur të gjitha procedurat dhe dispozitat ligjore për caktimin e datës së zgjedhjeve.
Sipas palës paditëse, avokatja Klodiana Gjyzari ka argumentuar se Fredi Beleri pas vendimit të KQZ, i cili shpalli të pavlefshëm mandatin e tij, ka të drejtë të ankimojë vendimin deri më datë 5 gusht.
“Për aq kohë sa është ky afat, Beleri mund të bej ankim në çdo moment, pra ne kërkojmë të vendoset sigurimi i padisë, pasi nuk janë ezauruar të gjitha hallkat, për çështjen e zgjedhjeve”, është shprehur ajo.
Ndërkohë, pala e presidencës argumenton se “nuk mund të kërkohet shfuqizimi i aktit ose pavlefshmëri akti, nuk mund të kërkohet antikushtetueshmëri e dekretit, pasi nuk është kjo gjykatë kompetente. Ky dekret nuk është akt administrativ”.
Pas parashtrimit të argumenteve, Gjykata vendosi kalimin e çështjes për gjykim. Seanca e radhës do të mbahet më 30 korrik, 10:30.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
