.png)
Partia Socialiste ka depozituar të hënën në Kuvend projektligjin për ndryshimet zgjedhore, që adreson vetëm reflektimin e vendimeve të Gjykatës Kushtetuese, që janë detyrim për Kuvendin.
Projektligji është firmosur nga 7 deputetë të PS-së pjesë e grupit të punës për reformën zgjedhore.
Në projektligj përcaktohen modalitetet për mundësimin e votës së emigrantëve në zgjedhjet e ardhshme të vitit 2025.
Në draft përfshihet edhe formula për ndarjen e mandateve brenda partise/koalicionit.
Herësi sipas formulës së re nuk do të jetë më i madh se 7000 vota.
“Herësi i ndarjes së mandateve është numri që del nga pjesëtimi i numrit të votave të subjektit zgjedhor me numrin e mandateve të fituara nga subjekti përkatës sipas nenit 162 të këtij Kodi dhe pjesëtuar me 1.5. Në çdo rast, herësi i ndarjes së mandateve nuk mund të jetë më shumë se 7 000 vota.
Në rast se herësi i ndarjes së mandateve që përfitohet nga pjesëtimi si më lart është një numër me mbetje dhjetore, si herës merret numri i plotë më i afërt.” organizohet dhe administrohet nga KQZ-ja në të gjithë komponentët e tij, pasi Rregullatori të ketë miratuar të gjitha aktet nënligjore që kërkohen për votimin nga jashtë vendit, sipas këtij Kodi”, thuhet në draft.
Miratimi i projektligjit kërkon 84 vota. Deri tani, PS pa opozitën ka arritur në 82 vota.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
