Nga Gazeta 'Si'-Si pasojë e një konflikti, i cili nisi me debate dhe më pas përfundoi në konfrontim fizik dhe përdorimin e thikës, ka mbetur i vrarë në Fier 23-vjeçari Xhimi Bakaj.
Shtetasi Xhuljano Miho, i cili është vënë në pranga nga policia, dyshohet se është konfliktuar me viktimën për shkaqe xhelozie. Shkak dyshohet se është bërë divorci mes autorit dhe bashkëshortes me të cilën ka dy fëmijë.
Kjo e fundit kishte disa muaj që ishte larguar nga banesa dhe bashkëjetonte me 23 vjeçarin. Autori e ka takuar në rrugë viktimën dhe pas një debati e ka qëlluar tri herë me thikë.
Pas ngjarjes, 39-vjeçari është vënë në pranga, ndërsa grupi hetimor po punon për sqarimin e rrethanave dhe dokumentimin ligjor të rastit.
I riu pasi u godit me thikë u transportua në spital, por nuk mundi t’i mbijetonte dot plagëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.