.png)
Aleatët e NATO-s zgjodhën zyrtarisht të mërkurën kryeministrin holandez Mark Rutte si shefin e ardhshëm të NATO-s.
Emërimi i Rutte u bë një formalitet pasi rivali i tij i vetëm për këtë post, presidenti rumun Klaus Iohannis, njoftoi javën e kaluar se ai ishte larguar nga gara, pasi nuk arriti të siguronte mbështetje, shkruan Ruters.
“Këshilli i Atlantikut të Veriut vendosi të emërojë kryeministrin holandez Mark Rutte si Sekretarin e Përgjithshëm të ardhshëm të NATO-s, duke pasuar Jens Stoltenberg”, tha NATO në një deklaratë.
Z. Rutte do të marrë detyrën si Sekretar i Përgjithshëm nga 1 tetori 2024, kur mbaron mandati i Stoltenberg.
Pasi deklaroi interesimin e tij për postin vitin e kaluar, Rutte fitoi mbështetje të hershme nga anëtarët kryesorë të aleancës duke përfshirë Shtetet e Bashkuara, Britaninë, Francën dhe Gjermaninë.
Stoltenberg tha se ai e mirëpriti zgjedhjen e Rutte si pasardhës të tij.
“Marku është një transatlanticist i vërtetë, një udhëheqës i fortë dhe një ndërtues i konsensusit,” tha ai.
“E di që po e lë NATO-n në duar të sigurta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
