.png)
Nga Gazeta 'SI' -Në prill 2024, numri i vizitorëve në Shqipëri u rrit me 62% nga një vit më parë duke arritur në më shumë se 186 mijë në total. 70% e këtyre vizitorëve ishin të huaj. Numri i net qëndrimeve u rrit me 56.3%, në më shumë se 390 mijë të raportuara.
INSTAT raporton se të huajt janë shtuar me 92% nga prilli shkuar dhe numri i net qëndrimeve të tyre me 80.3%, ndërsa vizitorët shqiptarë me 19.5% dhe numri i net qëndrimeve të tyre me 18%.
Shifrat tregojnë se të huajt kanë preferuar rajonin qendror të vendit dhe zonat jo-bregdetare të Shqipërisë. Të njëjtat tendenca janë edhe për shqiptarët. Vizitorët nga Kosova, Italia dhe Gjermania janë më të shumtë.
Hotelet dhe akomodimet e ngjashme mbeten të preferuarat për turistët në Shqipëri, për 93% të tyre, por vërehet një interes i shtuar edhe për hapësirat në natyrë.
Gjatë këtij muaji, norma e shfrytëzimit të dhomave të “Hoteleve dhe akomodimeve të ngjashme” është 22.%, kundrejt 14% që ishte në muajin Prill 2023. Norma e shfrytëzimit të shtretërve të “Hoteleve dhe akomodimeve të ngjashme” është 25 %, nga 17% që ishte në muajin Prill 2023.
Normat neto të shfrytëzimit. të dhomave dhe të shtretërve, janë dy tregues të cilët masin përqindjen e shfrytëzimit të kapaciteteve akomoduese, dhoma e shtretër të disponueshëm për vizitorë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
