Nga Gazeta Si- Në Ditën Botërore Pa Duhan futbollistët e Kombëtares shqiptare kanë realizuar një video për të sensibilizuar të rinjtë dhe jo vetëm për mospërdorimin e duhanit.
Futbollistët e Kombëtares japin mesazhet e tyre sensibilizuese nga qendra stërvitore në kryeqytet, ku po përgatiten për EURO 2024 duke i bërë apel të rinjve dhe jo vetëm, të mos e përdorin duhanin dhe të merren me sport.
Disa nga mesazhet që futbollistët japin janë: Zgjidh shëndetin, jo duhanin, Mos ndiz cigaren, ndiz shpresën, Jeta është më e bukur pa tym, Jeto më gjatë, lëre duhanin sot, Mos e lejo duhanin të të kontrollojë etj.
Çdo vit, më 31 maj Organizata Botërore e Shëndetësisë (OBSH) dhe partnerët e saj organizojnë Ditën Botërore Pa Duhan, me qëllim ndërgjegjësimin nga rreziku që sjell përdorimi i duhanit, si dhe ndërmarrja e politikave efektive me qëllim uljen e përdorimit të tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
