.png)
Gazeta Si – Pas më shumë se 4 orësh, Sekretari i Përgjithshëm i Këshillit të Ministrave, Engjëll Agaçi ka dalë nga ambientet e SPAK-ut.
Ai u shpreh se dëshmoi para prokurorëve të SPAK për çështjen e inceneratorit të Tiranës, ndërsa theksoi se është në dispozicion dhe funksion të organeve të drejtësisë.
“Isha sot si person në dijeni për inceneratorin e Tiranës. Mendoj se ky nuk duhet të përbëjë një lajm, pasi të gjithë ne duhet të jemi në funksion të organit të drejtësisë, të cilit i uroj punë të mbarë”, tha Agaçi, pasi doli nga ambientet e SPAK, ku foli shkurtimisht.
Agaçi është thirrur edhe më parë lidhur me dosjen e inceneratorëve. Në tetor 2022, u pyet rreth një orë lidhur me këtë aferë.
Zyrtari i lartë i qeverisë, është akuzuar nga opozita si i përfshirë në aferën e Inceneratorëve, ndërsa është thirrur si dëshmitar edhe në komisionin hetimor parlamentar të ngritur për këtë çështje.
Para Agaçit në SPAK për çështjen e inceneratorëve, janë thirrur edhe kryebashkiaku i Tiranës, Erion Veliaj dhe zv.kryeministrja Belinda Balluku, ku kanë dhënë shpjegimet e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
