.png)
Gazeta Si – Ish-presidenti amerikan Donald Trump është në garë për të rikandiduar për zgjedhjet presidenciale në nëntor 2024 dhe ndodhet gjithnjë në qendër të vëmendjes mediatike edhe për shkak të hetimeve të shumta deri në skandale në jetën e tij politike dhe personale.
Një Donald Trump ndoshta “i panjohur” për publikun: nga mbiemri gjerman, paraardhësi që vdiq nga gripi spanjoll, 4 fletë-thirrjet për të shkuar ushtar në Vietnam, ndaj të cilave “rrëshqiti” dhe u dëmtua për shkak të një “problemi në kockën e njërës këmbë”.
1.Përpara se të dilte në terren në vitin 2016, ai njihej në të gjithë botën si një nga simbolet e Manhattan-it, si Kulla e tij, Trump e cila dominon “Fifth Avenue” pikërisht pranë “Tiffany”. Megjithatë, Donald John Trump nuk ka lindur në Manhattan: më 14 qershor 1946, ai lindi përtej lumit East, në Queens: ai ishte një nga pesë fëmijët e Fred Trump (familje gjermane) dhe Mary Anne MacLeod Trump, të cilët emigruan në Shtetet e Bashkuara nga Skocia.
2.Në vitin 2007, Trump u shfaq në programin e mundjes WrestleMania 23. Gjatë episodit, Trump luftoi kundër Ceo-s së WWW Vince McMahon përpara 85,000 njerëzve në një ndeshje të quajtur “Beteja e Miliarderëve” (në realitet lufta u zhvillua nëpërmjet delegacioneve: ata deleguan dy profesionistë në vend të tyre dhe fitoi ai që bashkohej me Trump).
3.Trump: Arti i të bërit biznes është i pari nga shtatë librat e shkruar nga Donald Trump. Ai e shkroi atë në bashkëpunim me gazetarin Tony Schwartz. Një pjesë e kujtimeve, pjesë e manualit të biznesit, arriti në krye të listës së më të shiturave të gazetës “New York Times” në Shtetet e Bashkuara, ku qëndroi për 13 javë.
4.Dy nga tre gratë e Trump kanë lindur jashtë Shteteve të Bashkuara: e para, Ivana (1949-2022), çeke dhe e fundit, Melania (1970), sllovene. Louisa Adams (1775-1852), gruaja e presidentit të 6-të amerikan John Quincy Adams, lindi në Angli dhe u rrit në Francë, edhe pse babai i saj ishte amerikan. Melania Trump është shtetase amerikane që nga viti 2006.
5.Vetëm dy presidentë në historinë amerikane ishin profesionistë përpara se të hynin në politikë. Dhe janë dy presidentë të Shteteve të Bashkuara që kanë një yll në Hollyëood Ëalk of Fame, trotuari i famshëm në Los Anxheles që nderon më shumë se 2.500 artistë. Trump u nderua në vitin 2007 për shfaqjen e spektaklit “The Apprentice”.
6.Trump u diplomua në Shkollën Wharton të Universitetit të Pensilvanisë. I njëjti universitet shumë prestigjioz, ku studiuan Sundar Pichai (CEO i Google), Warren Buffett (CEO i Berkshire Hathaway), Alex Gorsky (CEO i Johnson & Johnson), Elon Musk (CEO i Tesla), Robert Crandall (CEO i American Airlines) dhe John Sculley (ish CEO i Apple dhe Pepsi).
7.Donald Trump e ka riemërtuar biznesin familjar: fillimisht quhej Elizabeth Trump & Son Co, duke marrë emrin nga gjyshja e tij nga babai (1880-1966), ai – një ekspert i markës – e ndryshoi emrin në Organizata Trump në vitin 1973, një emër që qëndron edhe sot.
8.I lindur në vitin 1946, Donald Trump i përket brezit të amerikanëve që duhej të merreshin me shërbimin e detyrueshëm ushtarak në kohën e Luftës së Vietnamit. Ndërsa ishte në kolegj, ai mori katër fletë-thirrje, të cilat i refuzoi për arsye shëndetësore. Pasi doli në terren në zgjedhjet presidenciale, ai duhej ta trajtonte këtë çështje në vitin 2015: shpjegoi se vuante nga një dalje kockore në këmbë në atë kohë, por nuk e mbante mend se cilën.
9.Friedrich Trump, gjyshi i Donaldit, vdiq gjatë pandemisë së gripit spanjoll të vitit 1918. Djali i tij Fred filloi të ndihmonte nënën e tij në menaxhimin e biznesit të tyre të pasurive të paluajtshme vetëm 15 vjeç. Fred Trump, babai i Donaldit, vdiq në vitin 1999, në moshën 93-vjeçare.
10.Trump është një mbiemër gjerman. Në vitin 1789, Johann Trump lindi në Bobenheim, Gjermani. Johann Trump më vonë u zhvendos në Kallstadt, ku në vitin 1869, lindi gjyshi i Donald Trump, Friedrich Trump. I cili emigroi në Amerikë në 1885.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
