.png)
Gazeta Si – Humbjet në dy miqësoret me Kilin dhe Suedinë e zbresin Shqipërinë me dy vende në renditjen e FIFA-s. Një rënie e pritshme kjo për kuqezinjtë, pas atyre dy ndeshjeve me rezultate negative, dhe pse ishin miqësore.
Kombëtarja e drejtuar nga trajneri Silvinjo, në vend të 64-t në renditjen e fundit të FIFA-s, do të shkojë në vend të 66-të javën e ardhshme, kur të bëhet përditësimi i klasifikimit.
Kundërshtarët e kuqezinjve në grup në Europianin e Gjermanisë, në renditjen e FIFA-s janë të gjithë në 10-shen e parë. Pozicionin më të mirë e ka Spanja, që mban vendin e 8-të, më pas vjen Italia kampione në fuqi e Europës, që renditet e 9-ta, dhe Kroacia mbyll 10-shen më të mirë.
Renditja e FIFA-s kryesohet nga Argjentina kampione botë, e ndjekur nga Franca, Belgjika dhe Anglia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
