Alba Renai është një influencuese virtuale, por kjo nuk e ka ndaluar që të nisë karrierën e saj në televizion. Alba do të prezantojë “Supervivientes”, versioni spanjoll i “Ishullit të njerëzve të famshëm”. Reality shoë do të transmetohet në TeleCinco, një televizion i menaxhuar nga Mediaset Espana.
Por reagimi i publikun nuk është pozitiv, duke kritikuar produksionin se përse nuk ka zgjedhur të fokusohej tek një prezantuese e vërtetë.
Influencuesit virtualë janë duke bërë namin. Nga Alvin dhe The Chipmunks te Gorillaz dhe Hatsune Mik, industria e muzikës nuk është e panjohur për personazhet virtualë. Ashtu si shumë prej artistëve human ata kanë fituar çmime ‘Grammy’ dhe kanë mbajtur koncerte.
Noonoouri, një personazh digjital i krijuar nga Joerg Zuber, është influencuesja më e fundit virtuale me flokë blu dhe me fytyrë kukulle që ka arritur të nënshkruajë një kontratë menaxhimi.
Vokali i saj, i ndërtuar pjesërisht duke përdorur mjete të inteligjencës artificiale e ka kthyer atë në një “popstar AI”. Dhe ndërsa Warner Music thotë se inteligjenca artificiale luajti vetëm një rol të vogël në krijimin e vokalit të Noonoouri, nënshkrimi i saj vjen ende mes shqetësimeve në rritje mbi rolin që luan AI në krijimin e muzikës.
Marec Lerche, kreu i zhvillimit të biznesit në Warner Music Central Europe, thotë se Noonoouri dhe krijimet digjitale si ajo mund t’u ofrojnë shtëpive diskografike më shumë eksperimentim dhe fleksibilitet.
Ekspertja e muzikës Shara Rambarran thotë se influencuesit virtualë të kthyer në yje pop-i që hyjnë në arenë mund të shqetësojnë muzikantët realë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
