.png)
Gazeta Si – Jo vetëm online, biletat për ndeshjen miqësore të së premtes mes Shqipërisë dhe Kilit mund të blihen edhe fizikisht nga tifozët e Kombëtares. Njoftimi është bërë nga Federata Shqiptare e Futbollit.
Ndeshja luhet në Parma, në orën 20:45, dhe sipas njoftimit të FSHF-së, tifozët mund të blejnë bileta në hyrje të stadiumit “Ennio Tardini”, nga ora 15:00 deri në orën 18:00, pranë pikës së shitjes.
Në Itali jetojnë shumë shqiptarë dhe pritet që në stadiumin e Parmës të dominojnë ngjyrat kuqezi. Kurioziteti për të parë skuadrën që ka siguruar pjesëmarrjen në Euro 2024, edhe pse në një miqësore, është i madh në radhët e tifozëve shqiptarë.
Pas Kilit, Shqipëria do të luajë edhe një tjetër miqësore më 25 mars. Skuadra kundërshtare do të jetë Suedia dhe kjo ndeshje do të zhvillohet në fushën e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
