.png)
Gazeta Si – Kuqezinjtë sigurojnë zyrtarisht një tjetër miqësore para Europianit të Gjermanisë. Federata Shqiptare e Futbollit bën me dije se ka gjetur akordin me Federatën e Azerbajxhanit për të zhvilluar një miqësore në qershor, para nisjes së Kampionatit Europian.
Miqësorja me Azerbajxhanin do të luhet më 7 qershor, mbetet për t’u përcaktuar orari dhe stadium. Do të jetë ndeshja e 6-të mes dy skuadrave, ku Shqipëria numëron 3 fitore, 1 barazim dhe 1 humbje deri tani.
Kuqezinjtë do të luajnë dy miqësore në mars, me Kilin më 22 mars në stadiumin “Ennio Tardini” në Parma, ndërsa 3 ditë më pas me Suedinë në stadiumin “Friends Arena“ të Stokholmit.
Në qershor Shqipëria do të zhvillojë dy teste të tjera, të parin me Lihtenshtejnin më 3 qershor dhe pastaj me Azerbajxhanit më 7 qershor.
Kombëtarja e Silvinjo do ta luajë ndeshjen e parë në grupet e Europianit më 15 qershor ndaj Italisë, në stadiumin “BVB Stadion Dortmund”. Katër ditë më pas luhet ndeshja me Kroacinë dhe pastaj me Spanjën më 24 qershor, në “Dusseldorf Arena”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
