.png)
Kombëtarja shqiptare e femrave do të marrë pjesë në turneun “Visit Malta Trophy”, i organizuar nga Federata Malteze e Futbollit. Që do të zhvillohet në Maltë në datat 22-25 shkurt.
Shqipëria do të zhvillojë dy ndeshje: përballë Bjellorusisë (22 shkurt) dhe Ishujve Faroe (25 shkurt). Të dyja takimet do të luhen në stadiumin “Tonny Bezzina” (14:00).
Trajneri Armir Grima ka zbardhur sot listën me emrat e futbollisteve të grumbulluara për këto dy takime të rëndësishme për skuadrën. Tekniku ka dërguar 18 ftesa për këto dy ndeshje.
Me 13 prej vajzave që aktivizohen në kampionatin shqiptar, 2 prej tyre në kampionatin kosovar dhe 3 në kampionatet europiane.
Nora Dedgjonaj është risia e listës, me mesfushoren e Partizanit që pret të debutojë me Kombëtaren. Pjesa tjetër e skuadrës nuk ka ndryshime.
Këto dy sfida janë një mundësi shumë e mirë për skuadrën, por edhe për stafin e ekipit kuqezi për të vëzhguar e testuar vajzat kuqezi.
Duke qenë se për momentin nuk janë të angazhuara në impenjime zyrtare me ndeshje të nivelit UEFA-s apo FIFA-s. /Supersport
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
