Gazeta Si - SPAK ka dërguar në Gjykatën e Posaçme dosjen ndaj tre inspektorëve të Mjedisit që kërkuan 30.000 lekë klinikës për të mos i vendosur gjobë,
Tre ish-zyrtarët e ministrisë, Genci Hicka, Ilir Nishani dhe Gerson Tafa, akuzohen për veprën penale “Korrupsion pasiv i personave që ushtrojnë funksione publike” e kryer në bashkëpunim.
Ndërsa dy mjekët, Konstandin Balloma dhe Besim Boҫi akuzohen për veprën penale “Korrupsion aktiv i personave që ushtrojnë funksione publike” e kryer në bashkëpunim.
GJJKO sot pranoi kërkesën e Prokurorisë së Posaçme kundër Korrupsionit dhe Krimit të Organizuar për dërgimin në gjyq të çështjes penale në ngarkim të të pandehurve:
Sipas prokurorisë, Hicka, Tafa dhe Nishani i kishin kërkuar klinikës ku punonin Balloma dhe Boçi, 30. 000 lekë që mos t’i vinin gjobë për trajtimin e mbetjeve spitalore.
Ishte vetë mjeku Konstandin Balloma që kallëzoi në SPAK se tre inspektorët e mjedisit e kishin shtrënguar për të dhënë paratë, të cilat kishte deklaruar se i kishte dhënë.
SPAK i ka marrë të pandehur në vitin 2021 tre inspektorët e Mjedisit, por nuk ka ngritur akuzë për mjekët. Inspektorët nga ana e tyre pretendojnë që nuk i kanë marrë paratë. Dy mjekët janë marrë të pandehur për akuzën për korrupsion aktiv.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
