.png)
Nga Gazeta ‘SI’ – Bizneset dhe konsumatorët e kanë nisur 2024-n me pesimizëm për sa i përket ekonomisë, duke e ulur treguesin me 1.8 pikë.
LEXO EDHE:
– Rreziku ndjellës i ndërtimit
– Tregu imobiliar me rreziqe, bankat në Shqipëri do të ‘shtrëngojnë dorën’ me kreditë në 2024
Sipas anketës së Bankës së Shqipërisë, të gjithë treguesit, përveç industrisë dhe tregtisë kanë shënuar rënie gjatë janarit.
Si rrallë herë, besimi në ndërtim shënoi rënie të fortë me 8.6 pikë përqindje, ndikuar nga pritjet për rënie të kërkesës, aktiviteti dhe punësimit. Ndërtuesit presin gjithashtu edhe rënie çmimesh.
Rënien e dytë më të madhe e ka pasur sektori i shërbimeve me 5.9 p.p, lidhur po ashtu me rënien e kërkesës, punësimit dhe çmimeve.
Konsumatorët kanë ulur besimin e tyre në ekonomi me 0.9 p.p gjatë janarit. Ata vlerësojnë me rënie situatën e tyre financiare dhe situatën ekonomike të vendit në të ardhmen. Nga ana tjetër, vlerësimi i tyre për blerjet në shuma të mëdha u rrit lehtë në muajin janar.
Nga ana tjetër, tregtia dhe industria raportohen me rritje 4.9 dhe 4 p.p respektivisht, pasi presin rritje të kërkesës dhe punësimit. Të dy sektorët parashikojnë rënie çmimesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
