.png)
Numrat e njoftimeve në ikonat e aplikacioneve në telefon janë bërë aq të zakonshëm por përsëri kthehen në një ‘dhimbje koke’ kur i shikon.
Emaile të palexuar, mesazhe në Instagram dhe WhatsApp dhe çdo aplikacion tjetër, janë ndonjëherë e pamundur të happen të gjithë.
Për këdo që është i stresuar nga numri i tyre, që shpesh është një ‘ngjyrë e kuqe’ që shkakton ankth, këtu janë disa këshilla për t’i hequr qafe ato.
Ne jemi këtu për t’ju çliruar nga (disa prej) shqetësimeve tuaja, por së pari duhet të merreni me diçka që ia vlen të shqetësoheni: përditësimet e softuerit. Sigurohuni që telefoni, tabletët dhe kompjuterët tuaj të kenë të gjithë sistemet operative më të fundit për të shmangur çdo rrezik sigurie. Nëse nuk jeni të interesuar për një përmirësim të madh në një version krejtësisht të ri, duhet të instaloni ende çdo përditësim sigurie për sistemin tuaj aktual operativ. Shikoni në cilësimet tuaja për çdo njoftim që ju lutet t’i kushtoni vëmendje.
Hiqni qafe gjithçka
Nuk ka asnjë mënyrë që të lexoni 66,441 email. Në vend të kësaj, krijoni një fillim të ri. Ka shumë mënyra për ta bërë këtë, në varësi të asaj se sa ju duhet për të hyrë në mesazhet e vjetra.
Metoda më e kënaqshme por që kërkon shumë punë është të fshini gjithçka në kutitë hyrëse dhe aplikacionet tuaja të ndryshme. Nëse ka gjëra që do të dëshironi t’i shikoni më vonë, tekste personale, informacione që ju nevojiten për punë, kjo nuk rekomandohet. Në vend të kësaj, ju mund t’i shënoni të gjitha emailet dhe mesazhet tuaja si “të lexuara”. Aplikacionet tuaja dhe mesazheve do të duken njësoj, por numrat do të zhduken derisa të vijë diçka e re.
Pastrimi i kutive hyrëse ose shënimi i mesazheve si të lexuara do t’ju sjellë një fillim të ri, por mesazhet, sinjalizimet dhe emailet do të fillojnë menjëherë përsëri. Nëse nuk gjeni vlerë në këto sinjalizime, mund t’i fshehni ato përgjithmonë në smartphone tuaj. Në një iPhone, shkoni te Cilësimet- Njoftimet. Këtu, mund të shkoni në çdo aplikacion përkatës dhe të çaktivizoni “Lejo njoftimet”. Nëse i dëshironi vetëm ndonjëherë, mund të aktivizoni modalitetin “Mos shqetëso” të telefonit tuaj. Në një pajisje Android, shkoni te seksioni i Njoftimeve të Cilësimeve dhe çaktivizoni opsionin që thotë “Pika e njoftimit në ikonat e aplikacioneve”.
Nëse një grumbull 300,000 mesazhesh është një problem për ju personalisht ose profesionalisht, ju duhet të bëni më shumë sesa thjesht të hiqni qafe njoftimet.
“Kur njerëzit përballen me një mori mesazhesh të palexuara, hulumtimet kanë zbuluar se kjo ka një ndikim negativ në nivelet e ankthit dhe ndjenjat e kontrollit mbi punën e tyre,” thotë Emma Russell, profesoreshë në Shkollën e Biznesit të Universitetit të Sussex.
Russell studion ndikimin e emailit në produktivitetin dhe mirëqenien e njerëzve. Në një rishikim të fundit të hulumtimit, ekipi i saj gjeti një numër zakonesh që ishin të dobishme për njerëzit që përdorin email.
E para është të kesh kufij dhe t’u bësh të ditur njerëzve të tjerë se kur mund të presin të dëgjojnë nga ju. Për shembull, mund të kontrolloni emailin vetëm gjatë ditës së punës dhe një herë në fundjavë. Ju mund ta shtoni atë informacion në nënshkrimin tuaj të emailit. Dhe për mesazhe, tregojuni miqve dhe anëtarëve të familjes drejtpërdrejt ose përdorni një postim për ta bërë të qartë këtë. T’u thuash njerëzve kufijtë e tu është gjysma e betejës.
Një metodë tjetër është që, po, të lexoni rregullisht mesazhet tuaja. Të kontrollosh kutitë e tua hyrëse nuk do të thotë t’i përgjigjesh gjithçkaje, por të identifikosh se çfarë kërkon një veprim pasues, çfarë është thjesht informuese dhe çfarë mund të hidhet. Mund ta bëni çdo ditë ose një herë në javë, por përpiquni të zgjidhni një orar dhe t’i përmbaheni atij.
Burimi: Washington Post. Përshtati: Gazeta Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
