.png)
Nga Gazeta ‘SI’ – Në pritje të zhvillimit të infrastrukturës gazsjellëse në vend, qeveria ka miratuar vendimin për klientët në nevojë.
Sipas VKM-së, shqiptarët që përfitojnë ndihmë sociale sipas kategorisë do të përfitojnë mbështetje financiare për gazin nga 50 deri në 100%. Për të përfituar këtë status, ata duhet të vërtetojnë me anë të dokumentave gjendjen e tyre financiare apo shëndetësore.
Këtë mbështetje e përfitojnë direkt edhe familjet që e kanë gazin natyror burimin e vetëm të ngrohjes apo gatimit.
Në momentin e konfirmimit të klientëve në nevojë ata firmosin një kontratë me furnizuesin shtetëror të gazit.
Gazifikimi në vend është projektuar të nisë nga qyteti i Korçës dhe më pas në Fier, si një pikë dalëse e projektit të TAP, por edhe si qytete me temperatura më të ulëta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
