Kohët e fundit kanë dalë dyshime në lidhje me pretendimet e një shkencëtari kinez që ka nxitur krijimin e foshnjave në mënyrë me anë të ndërhyrjeve gjenetike.
Profesori Jian Kui thotë se vajzat binjake, të lindura disa javë më parë, kishin ADN-në e tyre të ndryshuar që në embrione për të parandaluar ata nga prekja e virusit të HIV-it .
Pretendimet e tij, të filmuara nga Associated Press, janë të paverifikuara dhe kanë shkaktuar dyshime nga shkencëtarë të tjerë, të cilët e kanë quajtur këtë ide monstruoze.
Ndryshimi i gjeneve mund të ndihmojë në shmangien e sëmundjeve të trashëgueshme, por ekspertët të cilët janë të shqetësuar për gjenomin e embrionit. Sipas shkencëtarëve një ndryshim i tillë mund ti shkaktojë dëm jo vetëm individëve por edhe gjeneratave të ardhshme.
Shumë vende, përfshirë Mbretërinë e Bashkuar, kanë ligje që parandalojnë ndryshimet e gjenetikës. Shkencëtarët gjithashtu, thanë se nuk duhet të bëhen kërkime për ndryshimin e gjeneve, për aq kohë sa është e ndaluar të përdoren.
Shkencëtari Prof He, i cili punon një laborator në qytetin jugor kinez të Shenzhen, tha se ka përdorur mjete për ndryshmin e gjeneve për të bërë dy vajza të binjake, të njohura si "Lulu" dhe "Nana".
Në një video, ai pretendon të ketë eliminuar një gjen të quajtur CCR5 që i bën vajzat rezistente ndaj HIV-it, nëse ata ndonjëherë do të vijnë në kontakt me virusin.
Ai thotë se puna e tij ka të bëjë me krijimin e fëmijëve që nuk do të vuajnë nga sëmundjet, në vend që të krijojnë foshnjat me ngjyrën e syve si dëshirojnë prindërit ose nivelin e inteligjencës së lartë.
"E kuptoj se puna ime do të ketë diskutime, por unë besoj se familjet kanë nevojë për këtë teknologji dhe unë jam i gatshëm të marr kritikat për ta,” thotë ai në video.
Megjithatë, disa organizata dhe spitale të ndryshme në mbarë botën kanë mohuar të përfshihen në këtë shpikje të re. Universiteti i Shkencës dhe Teknologjisë në Shenzhen deklaroi se nuk ishte në dijeni të projektit do të niste një hetim.
Prof Julian Savulescu, një ekspert i etikës në Universitetin e Oksfordit, tha se nëse është e vërtetë, ky eksperiment është monstruoz, pasi embrionet janë përgjithësisht të shëndetshme.
"Ndryshimi i gjeneve është eksperimental dhe do të shkaktojë probleme gjenetike më vonë në jetën e fëmijëve, duke përfshirë zhvillimin e kancerit. Ky eksperiment ekspozon fëmijët normalë të shëndoshë ndaj rreziqeve për asnjë përfitim të nevojshëm,” thotë ai
Shkencëtarët thonë se redaktimi i gjeneve mund të jetë i justifikueshëm një ditë, por nevojiten shumë kontrolle.
Dr Yalda Jamshidi, një ekspert i gjenetikës në Universitetin e Shën Gjergjit në Londër, tha se dihet shumë pak për efektet afatgjata dhe shumica e njerëzve do të pajtoheshin me këtë eksperiment vetëm për të përmirësuar njohuritë njerëzore dhe kjo është moralisht e papranueshme./The Washington Post/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.