.png)
Gazeta Si – Bie poshtë përfundimisht e ashtuquajtura çështja ‘Broja’, e shumëpërfolur pas ndeshjes me Çekinë, kur pati zëra se sulmuesi kuqezi braktisi Kombëtaren. Këtë çështje e ka mbyllur sot trajneri i Çelsit, Mauricio Poçetino, duke konfirmuar mungesën e lojtarit në sfidën me Arsenalin.
Javën e kaluar u fol shumë për Armando Brojën në Shqipëri. Trajneri Silvinjo e zyrtarizoi mungesën e tij për shkak dëmtimi, por u aludua se sulmuesi iku nga grumbullimi për të vazhduar stërvitjen me Çelsin, në mënyrë që të luante ndaj Arsenalit.
Një variant që bie poshtë nga deklarata e sotme e trajnerit Poçetino. Në konferencën për shtyp ai zyrtarizoi mungesën e Armando Brojës, duke u shprehur se lojtari ka një problem në gju. Trajneri i londinezëve tha se dëmtimi nuk është serioz dhe Broja me shumë mundësi do të luajë ndeshjen pas Arsenalit.
Deri në këtë moment vetë Broja nuk ka folur për polemikat e fundit. Gjasat më të mëdha janë që klubi i Çelsit ta ketë kërkuar lojtarin në Londër, pasi është mësuar gjendja e tij shëndetësore pas kontrolleve që sulmuesi kreu në grumbullimin e Kombëtares.
Trajneri Silvinjo pas ndeshjes me Çekinë u shpreh qartë se në Kombëtare nuk ka një çështje ‘Broja’, ndërsa tani ky version konfirmohet edhe nga mungesa e sulmuesit kuqezi në ndeshjen e kampionatit me Çelësin. Dhe kuptohet që ky është një lajm i mirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
