.png)
Nga Gazeta ‘SI’ – Më shumë se 6 mln megavat energji u prodhuan në Shqipëri gjatë 8 muajve janar-gusht, duke shënuar rritje të fortë nga një vit më parë. Nga kjo sasi, rreth 60% ishin prodhim i KESH dhe pjesa tjetër nga privatet, duke rritur kështu ndjeshëm peshën e prodhuesve shtetërore në sektor.
Më shumë se 2 mln megavatorë u vunë në dispozicion të konsumatorëve familjarë, me një rënie të lehtë nga një vit më parë, por në raport mujor konsumi i klientëve familjarë ka pasur rritje të dukshme edhe gjatë muajve të verës.
Gjatë periudhës janar-gusht 2023, OSHEE ka arkëtuar rreth 4 mld lekë më shumë se një vit më parë, 55 mld. Edhe arkëtimi i kamatvonesave duket të ketë qenë më efektiv këtë vit, duke iu afruar vlerës së 1 mld lekëve, kur para një viti ishte 700 mln. Nga ana tjetër, OSHEE është përballur me një rritje të numrit të debitorëve gjatë këtij viti, shumica e të cilëve janë familjarë.
Ndonëse në raport 8-mujorësh numri i konsumatorëve është më i lartë, brenda këtij viti ka pasur një rënie të numrit të tyre me rreth 3 mijë klientë.
Një rritje të dukshme ka pasur edhe energjia e prodhuar nga dielli, por që mbetet ende e vogël ndaj totalit, rreth 59 mijë megavat.
Humbjet në rrjet kanë pasur një rritje prej 10 mijë megavatorësh, nga e njëjta periudhë 2022 në atë 2023.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
