Gazeta Si – Vllaznia-Tirana, apo klasikja e Shqipërisë siç quhet, është mbyllur me fitoren 0-1 të Tiranës. Kjo ndeshje këtë herë u zhvillua në stadiumin e Kukësit, sepse në ‘Loro Boriçi’ të Shkodrës po rregullohet fusha.
Sfida u vendos nga një gol i Florent Hasanit në minutën e 7-të shtesë. Tirana në fakt pati iniciativën gjatë gjithë ndeshjes, krijoi disa raste, por goli i fitores do të vinte vetëm në minutën e fundit shtesë.
Vllaznia e mbylli ndeshjen me 10 lojtarë, pasi Geralb Smajli u ndëshkua me dy kartonë të verdhë. Shkodranët bënë pak në këtë ndeshje, megjithatë ishin afër marrjes së pikës. Një moment shpërqendrimi, kur u mendua se ndeshja kishte përfunduar, i ndëshkoi ata.
Tirana ngjitet kështu në kuotën e 13 pikëve, duke iu afruar 3 pikë Egnatias kryesuese. Vllaznia mban vendin e 5-të aktualisht, me 9 pikë. Java e 8-të e Superiores do të mbyllet ditën e diel, me ndeshjet Laçi-Skënderbeu, Partizani-Kukësi dhe Teuta-Erzeni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
