Gazeta Si – Arbnor Muja shënon një gol, që me siguri do ta mbajë mend gjithë jetën. Sulmuesi kuqezi ka shënuar në Ligën e Kampionëve për Antverp, në ndeshjen ndaj Shakhtarit, duke i dhënë avantazhin skuadrës së tij.
Muja realizoi vetëm pas 3 minutash, me një veprim të bukur teknik në zonë, të finalizuar me një goditje precize. Fillim më të mirë nuk mund të kishte për lojtarin e Kombëtares shqiptare. Në ndeshjen e parë në grupe para tifozëve të vet, ai i ka përshëndetur me këtë gol.
Sulmuesi anësor e nisi ndeshjen titullar tek Antverp, ashtu si dhe të parën ndaj Barcelonës pak javë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
