.png)
Fitorja e Robert Fico, ish-kryeministër që mbajti një qëndrim pro-rus gjatë fushatës në zgjedhjet parlamentare të Sllovakisë është shenjë e mëtejshme e gërryerjes së mbështetjes për Ukrainën në Perëndim ndërsa lufta zvarritet dhe vija e frontit mbetet kryesisht statike.
Sllovakia është vend i vogël me simpatitë historike ruse dhe natyra e qeverisë së koalicionit që Fico do të kërkojë të formojë është e paqartë. Ai mund të anojë më shumë drejt pragmatizmit, siç ka bërë kryeministrja e ekstremit të djathtë të Italisë, Giorgia Meloni, që nga zgjedhja e saj vitin e kaluar.
Megjithatë, ndryshimi në Sllovaki është i ashpër: Ai ishte vendi i parë që dorëzoi avionë luftarakë në Ukrainë.
Rezultatet e zgjedhjeve vijnë pasi shqetësimi për miliarda dollarë ndihma ushtarake që Perëndimi i ka dhënë Ukrainës gjatë 19 muajve të fundit është bërë më i mprehtë në Shtetet e Bashkuara dhe Bashkimin Evropian, me kërkesat në rritje për paratë që në vend të saj duhet të shkojnë për prioritetet e brendshme.
Republikanët e Dhomës së Përfaqësuesve refuzuan të takoheshin me Volodymyr Zelensky, presidentin ukrainas, në Uashington muajin e kaluar dhe tensionet midis Kievit dhe Shtëpisë së Bardhë mbi strategjinë ushtarake të Ukrainës janë shfaqur.
Në Evropën Qendrore, dikur thelbi i ndjenjave të egra anti-ruse midis shteteve të frikshme të vijës së frontit që duruan dekada të sundimit të ashpër komunist si anëtarë ngurrues të bllokut sovjetik, lufta po shihet me një nuancë më të madhe.
Fitorja e zotit Fico, duke marrë rreth 23 për qind të votave në një platformë që përfshinte ndalimin e të gjitha dërgesave të armëve në Ukrainë dhe fajësimin e barabartë për luftën mbi Perëndimin dhe Kievin, është rasti konkret.
“Përdorimi i luftës është më i dukshëm në Evropën Qendrore sesa në Evropën Perëndimore tani për tani”, tha Zhak Rupnik, profesor në Paris njëherazi ekspert për rajonin. “Sllovakia tregon se kërcënimi në derën tuaj nuk do të thotë domosdoshmërisht se je në mbështetje të Ukrainës”
Një sondazh i Globsec në mars për gjithë Evropën Qendrore dhe Lindore zbuloi se 51 për qind e sllovakëve besonin se Perëndimi ose Ukraina ishin “kryesisht përgjegjës” për luftën.
Fico, i cili shërbeu për më shumë se një dekadë si kryeministër deri në vitin 2018, e hodhi poshtë këtë pretendim.
Ai mbështeti disa nga retorikat e kryeministrit pro-rus të Hungarisë, Viktor Orban, i cili i ka rezistuar qëndrimit dërrmues perëndimor ndaj Ukrainës
“Fico u frymëzua nga Orban, por nuk ka të njëjtat rrënjë të thella ideologjike dhe është më shumë pragmatist,” tha Ludek Sekyra, një biznesmen çek që kryeson Fondacionin Sekyra, një mbështetës i kauzave liberale. “Ai ka qenë i zoti në shfrytëzimin e lehtësisë mbi fluksin e madh të refugjatëve ukrainas, pakënaqësinë e vendeve të vogla ndaj Bashkimit Evropian dhe simpatitë ruse që nuk ekzistojnë në Republikën Çeke”.
Një koalicion i mundshëm me një ish-kryeministër tjetër, Peter Pellegrini i partisë socialdemokrate Zëri, që fitoi pothuajse 15 për qind të votave, mund të rrisë gjasat e pragmatizmit nga zoti Fico, i cili ishte iniciuesi i adoptimit të euros nga Sllovakia dhe ka treguar ndjenja të forta pro-evropiane në të kaluarën.
Me Sllovakinë, Hungarinë dhe Serbinë që të gjitha tregojnë simpati të konsiderueshme për Presidentin Vladimir V. Putin të Rusisë, batica ka ndryshuar në këtë pjesë të Evropës. Edhe Polonia, një mbështetëse e flaktë e Ukrainës që ka marrë strehuar më shumë se 1.5 milionë refugjatë gjatë luftës, kohët e fundit vendosi të mbyllë kufirin e saj për importet e drithit ukrainas me çmim të ulët.
Partia qeverisëse e djathtë nacionaliste Ligj dhe Drejtësi (PiS) në Poloni është në pozicion të tensionuar elektoral këtë muaj kundër opozitës liberale. Megjithëse lideri de fakto i vendit, Jarosłaë Kaczynski, mbetet fuqishëm antirus, nacionalizmi dhe vlerat e tij konservatore bashkohen me ato të zotit Orban dhe zotit Fico. Një fitore e PiS do të minonte më tej unitetin evropian pasi lufta nuk tregon asnjë shenjë të një zgjidhjeje të mundshme.nytimes / Përshtati në shqip: “Gazeta Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
