Gazeta Si – Pas Ukrainës, edhe Polonia ka dalë kundër vendimit të Komitetit Ekzekutiv të UEFA-s për të ripranuar skuadrat e moshave ruse në kompeticionet europiane. UEFA e mori këtë vendim me argumentin se përjashtimi i këtyre ekipeve ishte diskriminues.
Fedarata Polake e Futbollit ka bërë me dije se është gati t’i bojkotojë ndeshjet e mundshme kundër skuadrave nga Moska apo qytete të tjera të Rusisë.
“Kam mbetur i befasuar nga deklarata e bërë dje nga Komiteti Ekzekutiv i UEFA-s, – ka shkruar presidenti i Federatës polake, Cezary Kulesza, në Twitter. – Nëse kombëtaret ruse mund të luajnë, kombëtaret tona nuk do të ndeshen me to. Kjo është zgjidhja e vetme e drejtë”.
Prej fillimit të luftës në Ukrainë edhe sporti në botë ka mbajtur qëndrim ndaj sportistëve rusë dhe bjellorusë. Në fillim këta të fundit u përjashtuan nga cdo aktivitet ndërkombëtar. Më pas ky qëndrim u zbut. Uimbëlldoni në tenis, për shembull, pranoi në aktivitet sportistët nga Rusia dhe Bjellorusia. Tani edhe UEFA ka bërë tolerime në këtë drejtim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
