.png)
Gazeta Si – Të gjithë duan një vend në ‘Air Albania’ më 12 tetor, kur Shqipëria pret Çekinë në ndeshjen e radhës në grup. Një ndeshje që mund të ‘vulosë’ kualifikimin në Euro 2024, nëse kuqezinjtë fitojnë. Interesimi për këtë sfidë është shumë i madh që tani.
Duket qartë nga fluksi i jashtëzakonshëm sapo biletat dolën në shitje online, që ka sjellë edhe rënien e serverit të faqes “ebileta.al”. Tifozët kuqezi duan të sigurojnë sa më parë një biletë për të mos munguar në atë që mund të jetë një mbrëmje e paharrueshme për Kombëtaren.
Edhe në ndeshjen e fundit me Poloninë në fakt kishte interes shumë të madh. Stadiumi ishte ‘sold out’ dhe skuadra e shpërbleu në fushë më atë fitore të bukur. Tani radhën e ka Çekia, që është 2 pikë pas Shqipërisë kryesuese në renditje. Në Pragë djemtë e Silvinjos barazuan 1-1, me atë gol fantastik të Bajramit.
Kombëtarja është shumë afër kualifikimit në Europian, kur i kanë mbetur edhe 3 ndeshje. Me Çekinë duhet shmangur humbja me çdo kusht për të mos e komplikuar situatën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
