Gazeta Si – Eliminimi nga Argjentina në Botërorin e fundit të zhvilluar në Katar vazhdon të djegë te Holanda dhe veçanërisht te trajneri Luis Van Gal. ‘Tulipanët’ u eliminuan me penallti nga skuadra e Mesit, ndërsa trajneri i njohur është i bindur se skadra e tij u penalizua ndaj amerikano-jugorëve.
Në një intervistë të fundit, teksa vlerësohej me një çmim nga Liga e futbollit holandez, Van Gal ka folur përsëri për argumentin e Botërorit, duke ngritur dyshime domethënëse. Si gjithmonë, Van Gal nuk ka përdorur diplomacinë për të komentuar aventurën e fundit në stolin e Holandës.
“Kur sheh golat e Argjentinës dhe kur sheh golat që kemi shënuar ne, kupton shumë gjëra, – ka deklaruar Van Gal. – Kupton po ashtu shumë gjëra kur shihen disa lojtarë argjentinas që i kalojnë kufijtë dhe nuk ndëshkohen. Atëherë unë mendoj se gjithçka ishte paravendosur: Mesi duhej të shpallej kampion bote”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
