Shpërthejnë trukimet në Ligën e Konferencës dhe me sa duket, protagoniste janë përsëri skuadra ballkanase, të akuzuara shpesh për gjëra të tilla. “The Athletic” bën të ditur se turneu i cili sheh zakonisht si protagoniste skuadra të niveleve më të ulëta të futbollit europian, është sinjalizuar nga monitoruesit e kompanive të basteve për dy ndeshje të veçanta.
E para është fitorja e Alashkert të Armenisë në transfertë ndaj Arsenal Tivat të Malit të Zi me shifrat 6-1. Një fitore që mundësoi Alashkert që të kalonte në turin tjetër me rezultatin e përgjithshëm 7-2 pasi ndeshja e parë ishte mbyllur me barazimin 1-1.
Ndërsa e dyta është fitorja e letonezëve të RFS me shifrat 4-1 në shtëpi përballë Makedonija GP të Maqedonisë së Veriut. Edhe në këtë rast, ndeshja e parë kishte përfunduar me shifrat 1-1.
Flukset e basteve për këto ndeshje kanë qenë jashtë parametrave normale, ndaj është mësuar se UEFA ka hapur hetime për sfidat në fjalë, me dyshime për trukimin në favor të basteve sportive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
