Gazeta Si – Ballkani ka vërtetuar për të disatën herë se është një ekip vërtet me stof europian. Djemtë e Ilir Dajës kanë zhvilluar një ndeshje fantastike në stadiumin ‘Fadil Vokrri’, ku kanë mundur 4-1 bjellorusët e Bate Borisov, ekipi që eliminoi Partizanin nga Championsi.
Bajram Jashanica equalizer for Ballkani! 🟠
— Kosovar Football 🇽🇰 (@kosovarfootball) August 24, 2023
pic.twitter.com/UO0yZlGtuo
Me këtë fitore kampionët e Kosovës janë vetëm një hap larg grupeve të Ligës së Konferencës për herë të dytë radhazi. Mjafton të mos humbin me më shumë se 2 gola diferencë në ndeshjen e kthimit. Dhe për më tepër Ballkani ia ka arritur me mungesa të rëndësishme, siç janë Zyba dhe Emërllahu, si dhe pas shitjes së sulmuesit kryesor Albion Rrahmani në Rumani.
Fitorja ishte më e bukur dhe shijoi më shumë për tifozët kosovarë, pasi erdhi me përmbysje. Bate shënoi e para që në minutën e 10-të, por Bajram Jashanica barazoi që në pjesën e parë.
— Justin Tv (@JustinTv88347) August 24, 2023
Në pjesën e dytë skenë e rrëmbeu Bleart Tolaj, autor i dy golave të tjerë për Ballkanin. Në minutën e parafundit Thaqi realizoi edhe golin e 4-t për kosovarët, duke ngritur peshë tifozët në ‘Fadil Vokrri’.
Dy skuadra e tjera shqiptare që marrin pjesë në ‘Play-off’-in e Ligës së Konferencës, Partizani dhe Struga, janë mundur sot me të njëjtin rezultat, 1-0. Kampionët e Shqipërisë u mundën nga Astana në Kazakistan, ndërsa ata të Maqedonisë së Veriut nga islandezët e Brediablik.
Trajneri Ilir Daja është shumë pranë thellimit të rekordit të tij: pjesëmarrjes së 3-të në fazën e grupeve të një kompeticioni europian. E arriti fillimisht me Skënderbeun në Ligën e Europës, kurse sezonin që shkoi me Ballkanin në Ligën e Konferencës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
