Gazeta Si – Dhuratë speciale nga ana e mesfushorit belg për shokët e ekipit dhe trajnerin Guardiola për të festuar ‘Treble’, suksesin e trefishtë të Mançester Sitit sezonin e kaluar.
Orët e fundit janë përhapur në rrjetet sociale imazhet dhe lajmi i dhuratës fantastike që Kevin De Bryjne u ka bërë të gjithë shokëve te Mançester Sitit. Një mënyrë vlerësimi kjo për fitimin e titullit kampion, Championsit dhe FA Cup sezonin që shkoi.
Fantazisti bleg i ka dhuruar secilit, 26 lojtarë, një iPhone platini me një vlerë prej 5 mijë stërlinash secili, të prodhuar nga dizajneri i telefonëve të personalizuar iDesign Gold.
Në çdo telefon të personalizuar është shkruar emri i lojtarit dhe logoja e Mançester Sitit. Këtë dhuratë të veçantë e ka marrë edhe trajneri Pep Guardiola. Një burim pranë ekipit anglez, duke folur për ‘Sun’, ka shpjeguar: “Ishte një veprim klasi nga Kevin, që ka dashur të tregojë vlerësimin e tij për skuadrën”.
Kevin De Bruyne gifted all of his Man City teammates platinum iPhones to celebrate their treble winning season 🎁
— ESPN UK (@ESPNUK) August 22, 2023
(via idesigngold/IG) pic.twitter.com/SWrtV5jzBP
Një gjest i tillë është bërë më parë nga Lionel Mesi, i cili në fillim të vitit u dhuroi shokëve të skuadrës tek Argjentina, trajnerit dhe stafit, një iPhone ari 24-karatësh me vlerë rreth 200 mijë euro për të festuar Kupën e Botës në Katar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
