.png)
Presidenti brazilian Inácio Lula da Silva deklaroi se aleanca BRICS e pesë ekonomive në zhvillim nuk kërkon të jetë një kundërpeshë për G7 dhe G20. Lula theksoi se grupi nuk është i drejtuar kundër të tjerëve.
“Përkundrazi, është një organizatë më e mirë për të ashtuquajturin Jugu Global”, shkroi ai në X (Twitter). “BRICS nuk është në kundërshtim me G7-n, G20-n apo dikë tjetër. Ne duam të organizohemi si Jugu i Botës. Ne jemi të rëndësishëm në debatin global dhe ulemi në tavolinën e negociatave në baza të barabarta me Bashkimin Evropian dhe SHBA”, theksoi ai.
Aleanca BRICS hapi një samit të martën që pritet të fokusohet në zgjerimin e grupit. Aleanca aktualisht përfshin Brazilin, Rusinë, Indinë, Kinën dhe Afrikën e Jugut. Tani synon të bëhet “BRICS Plus” dhe të mirëpresë anëtarë të shumtë të rinj.
Shtetet anëtare ende nuk kanë rënë dakord për kriteret e pranimit. Është gjithashtu e paqartë se kur do të përfshihen vendet e tjera. Takimi do të zgjasë deri të enjten. /ata
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
